O‘zbekiston davlat xoreografiya akademiyasi muassisligida “Nafosat olami” ilmiy-nazariy, amaliy-uslubiy, ma’naviy-ma’rifiy jurnali ta’sis etildi.
Jurnalning asosiy vazifasi – fundamental, amaliy va innovatsion ilmiy tadqiqotlar natijalarini tahliliy maqolalar, bibliografik va ilmiy sharhlar hamda xabarlar, taqrizlar, hujjatlar, tarixiy maʼlumotnomalar va gender masalalari hamda oila instituti sohasidagi boshqa ilmiy materiallar koʻrinishida chop etishdan iborat.
Mazkur ilmiy nashrning bosh muharriri — O‘zbekiston davlat xoreografiya akademiyasi rektori, professor Shuhrat Toxtasimov. Jurnal nufuzli xalqaro maʼlumotlar bazalariga (SCOPUS, Web of Sciences, EBSCO, Rossiya ilmiy iqtiboslash indeksi) kiritish uchun zarur boʻlgan ISSN seriya raqamli xalqaro standartga ham ega boʻlib, bosma shaklda bir yilda 4 marta nashr etiladi.
Tahririyat “Nafosat olami” jurnalini mazmunan takomillashtirish boʻyicha tavsiyalarni tayyorlash jarayonida, soha ekspertlari doiralari, yetuk mutaxassislari, ilmiy-tadqiqot muassasalari bilan tizimli hamkorlikni faollashtirish, shuningdek, Oʻzbekistonda raqs sana’atini ommalashtirish va yanada rivojlantirishga nafaqat mamalakatimiz, balki xalqaro jamoatchilik eʼtiborini qaratishni o‘z oldiga maqsad qilib qo‘ygan.
Jurnal muqovasida rassom Jamshid Valiyevning «Raqs sehri» asaridan foydalanilgan.